dimanche 14 juin 2015
هذا ما قاله بنكيران عن فيلم الزين اللي فيك
السلام عليكم
أولا وقبل كل شيئ، بغيت نشكر حزب العدالة والتنمية على مبادرة لقاء شباب من الويب المغربي مع رئيس الحكومة عبد الإلاه بنكيران ووزير الإتصال مصطفى الخلفي، الهدف من اللقاء هو فتح حوار مع أشخاص نشيطين على مواقع التواصل الإجتماعي واللي كان عندهوم بزاف ديال الأسئلة وعندهوم بزاف ديال الأصدقاء في العالم الإفتراضي اللي بدورهم عندهوم أسئلة أخرى ( أنا شخصيا تلقيت العديد من الرسائل والإتصالات من طرف بعض الأصدقاء اللي بغاو يطرحوا أسئلة على رئيس الحكومة )
اللقاء مع رئيس الحكومة دام 4 ساعات، الساعة الأولى كانت لرئيس الحكومة والبقية كانت لأسئلة المدعوين، بنكيران شارك معنا بزاف ديال أفكار والمشاكل اللي كيواجهها كل يوم في مهمته، نقراو بعض المقتطفات مما قاله السي بنكيران :
- بنكيران بدا بقول : وككان عندي الوقت نحكيليكوم حياتي كاملة ولكن
je ne pense pas que ça va trop vous intéresser
من بعد تكلم عن البرامج التلفزية وقال أنا مبقيتش كنشوف البرامج السياسية
Car ils disent du n'importe quoi
قال أيضا : أنا عندي القناعة أن هذه البلد، بلد مبارك وأعشق تاريخ المغرب والجغرافيا معنديش معاها بزاف
وقال أنه في المغرب هناك نوعين من الأشخاص :
1- صحاب les principes
2- صحاب les privilèges
وأنه حاليا صحاب les privilèges نقصو بزاف
ومن بين الحوايج اللي بنكيران فرحان بها :
- توقيف التوظيف المباشر
- الإقتطاعات للموظفين اللي كانو كيديرو الإضراب
وقال on est un peuple qui avance
وأن المغرب خصو اللي يضحي
Un peuple comme nous doit beaucoup travailler
وقال : J'ai mes défauts
هادشي اللي عطا الله
وقال أن لقب بنزيدان اللي كان عندو, نقص بزاف وحتى بعض الشعارات " حكومة الله كريم، لا صحة لا تعليم "
وأضاف أنه المغرب ماشي دولة ديموقراطية 100%
المغرب ماشي دولة ديكتاتورية 100%
المغرب ماشي دولة مصداقية 100%
المغرب ماشي دولة منحرفة 100%
وختم كلامه بقول :
Restez vous même, Adoptez votre pays pas le gouvernement.
ملاحظاتي :
- بنكيران مجاوبش على بعض الأسئلة بشكل مباشر، تكلم على المشاكل أكثر من الحلول، وقال أن أصل كل المشاكل هي العقلية المغربية
- بنكيران تكلم بزاف عن أهمية علاقته بالملك اللي هو الرئيس الفعلي للبلاد
- لم يعلق بنكيران عن فيلم عيوش لكن وزير الإتصال قال أنه تم رفض دعم الفيلم مرتين من طرف المركز السينمائي المغربي، الخلفي لم يشاهد الفيلم لكنه توصل بتقرير من طرف CCM واتخذ قرار منع الفيلم لما يتضمنه من مشاهد مخلة بالحياء وأنه يعتبر فيلم ضعيف فنيا وهو (Film x) .
- أعتقد أن ما قام به حزب العدالة والتنمية مبادرة جيدة، وأتمنى أن تقوم الأحزاب الأخرى بمجهودات فيما يتعلق بالتواصل الإجتماعي نظرا للدور الكبير الذي تلعبه.
- الرياضة الأكثر شعبية في المغرب هي رياضة الكريتيك للأسف، ماشي مشكل الواحد ينتقد ولكن في التالي يسول راسو ويقول شنو قدمت أنا لهذا البلد وهل أعتبر قيمة مضافة ومفيدة ؟
وشكرا
jeudi 12 mars 2015
لاش كتصلاح السينما ؟
هاد النهار مشيت لأول مرة لسينما بوجلود في المدينة القديمة لفاس لمشاهدة واحد الفيلم مقترح من طرف المعهد الفرنسي، هاد السينما كانت منسية ومقفلة هادي سنوات عديدة حتى جاو الفرنسيين وقاموا بعرض فيلم رائع سميتو " بابا عزيز" كيتحدث على السفر وسط الصحراء.
المشكل هو السلوك ديال بعض الحاضرين اللي جاو لأي هدف إلا يتفرجوا في الفيلم، أنا مفهمتش كيفاش واحد كياكل الزريعة (بصوت مرتفع) ويلوح في الأرض، كيفاش واحد جالس في وسط القاعة ويبصق (بصوت مرتفع أيضا) في الأرض، الدارري الصغار كيدخلو ويخرجوا بحال اللي راهوم في برج فاس .
شيئ مؤلم أن السينما في المغرب مبقاتش بحال شحال هادي، شيئ مؤلم تكون غادي في الرباط وفاس وخصوصا في الدارالبيضاء وتلقى العديد من قاعات السينما مسدودين ومكرفصين ( عايشين فيهوم القطوط) .
السينما أو الأفلام في نظري تقدر تلعب دور كبير في حياة أي شخص وتقدر تغير النظرة ديالو على الكثير من الأشياء بطريقة سلبية أو إيجابية، أنا شخصيا أعشق السينما ومشاهدة الأفلام على الشاشة الكبيرة عوض الحاسوب، مكاينش فيلم خايب أو فيلم زوين، أي عمل يجب احترامه واحترام الأهداف ديالو.
مثال آخر علاش الدول الكبرى تهتم بالسينما وكتستعملها من أجل الترويج للثقافة، المعهد اللغوي الأمريكي في فاس،يقوم بعرض فيلم كل يوم جمعة في العشية مع حوار بالغة الإنجليزية على الفيلم وشنو فهمنا منو ونناقش أيضا الهدف ديال المخرج بحضور واحد الأستاذ أمريكي خبير في السينما.
شنو بغيت نوصل فهاد السطور هو أننا عوض منتسناو المراكز اللغوية الأمريكية والفرنسية والإسبانية إلخ باش يقوموا بهاد المبادرات، علاش الجمعيات والنوادي اللي في المدرسة أو الجامعات ميفكروش ويديرو عرض أفلام ويكون نقاش جدي ومفيد وكلشي يستافد.
اللي عندو أفكار، يشاركها معانا ...
وشكرا
هادشي كتبتوا فهاد التليفون من نوع لوميا 925
( الإشهار بليز)
Inscription à :
Articles (Atom)